लुम्बिनी कप महिला फुटबल प्रतियोगिताको उपाधिका लागि आज दुई विभागी टोली आमने सामने हुँदैछन् । नेपाल प्रहरी र एपीएफ दिउँसो ४ बजे नेपालगञ्ज रङ्गशालामा भिड्न लागेका हुन् । विभागीय टोलीबीचको खेल रोमाञ्चक हुने दर्शकको अपेक्षा छ । नेपाल प्रहरीका प्रशिक्षक सुमन सुवेदीले एपीएफमा राष्ट्रिय टिमका खेलाडीको बर्चस्व रहे पनि उपाधि कब्जा गर्ने गरी मैदान उत्रने तयारी गरेको बताए । एपीएफकी प्रशिक्षक भगवती थापाले पनि नेपाल प्रहरीको टोलीलाई पराजित गर्ने मनोबल सहित खेल्ने बताइन् । प्रतियोगिताको विजेताले ५ लाख ५ हजार ५ सय ५५ रुपैयाँ र उपविजेताले दुई लाख ५० हजार रुपैयाँ नगद पुरस्कार प्राप्त गर्ने छन् ।