गोरखा- पछिल्लो समय चर्चित गायक सन्दीप न्यौपाने र गायिका सहिमा श्रेष्ठको स्वर रहेको गीत नयाँ गित ‘पान पाते ओठ’ को म्युजिक भिडियो सार्वजनिक भएको छ ।

शेर साउदको निर्देशन रहेको उक्त गीतमा साउदकै शब्द र संगीत रहेको छ ।

भिडियोमा गायक सन्दीप र निर्देशक साउद साथमा  निक्स शर्मा, बद्रीप्रसाद तिवारी र चर्चित मोडल भावना गुरुङको नृत्य देख्न सकिन्छ । गुरुङ लाई उक्त भिडियोमा फरक लुक्समा देखाइएको छ ।

गीतमा एचबीएन किस्मतको एरेन्ज, मिक्सिङ र मास्टरिङ छ । गीतको भिडियोमा नवराज उप्रेतीको छायाँकन रहेको छ भने नविन उप्रेतीको सम्पादन र मनोज कार्कीको जीएफएक्स तथा कलर रहेको छ ।

एलिस इन्टरटेनमेन्टको पोस्ट प्रोडक्सनमा तयार भएको म्युजिक भिडियो गायक न्यौपानेको आफ्नै युट्युब च्यानलबाट सार्वजनिक गरिएको हो ।

गायक सन्दीपको यसअघि ‘लालुमै’, ‘सान्नानी’, ‘दिलमाया’लगायतका गीत चर्चित छन् । भने गायिका साहिमा श्रेष्ठको चलचित्र छक्का पन्जा ४ मा रहेको चर्चित गित दर्शन सलाम पनि भाइरल भएको छ ।

नयाँ गीत ‘पान पाते ओठ’लाई पनि युवा बृद सबैखाले दर्शक श्रोताले मनपराइदिनेमा पानपाते ओठ टिम आशावादी छन् ।

भिडियो