पाेखरा- गण्डकी प्रदेशको मुख्यमन्त्रीमा नेकपा एमालेका नेता खगराज अधिकारी नियुक्त भएका छन्।

३२ जना सांसदको समर्थनसहित दावी पेश गरेका अधिकारी सोमबार मुख्यमन्त्रीमा नियुक्त भएका हुन्।

गण्डकी प्रदेश एमालेको ससंदीय दलका नेता अधिकारीलाई नेकपा एमालेसहित माओवादी र राप्रपाको समर्थन रहेको छ।

६० सदस्यीय प्रदेश सभामा मुख्यमन्त्री चुनिन ३१ मतको आवश्यकता थियो। जसमध्ये एमालेसँग २२ सांसद छन्। माओवादीका ८ र राप्रपाका दुई सांसदको समर्थनले अधिकारीलाई सजिलो भएको हो।

यसले गण्डकी प्रदेशसभाको सबैभन्दा ठूलो दल नेपाली कांग्रेस प्रतिपक्षमा पुगेको छ। कांग्रेसबाट प्रदेशसभामा २७ सांसद छन्।

स्वतन्त्रबाट निर्विरोध निर्वाचित भएर नेकपा एकीकृत समाजवादी प्रवेश गरेका दीपक मनाङ्गे कुनै पक्षमा खुलेका छैनन्।