गाेरखा- जिल्ला प्रहरी कार्यालय गोरखाले कात्तिक महिनामा जिल्ला भित्र उत्कृष्ठ कार्य गर्ने प्रहरी हवल्दार जगन्नाथ अधिकारीलाई वेस्ट पुलिस अफ द मन्थ’ गरेको छ ।

कार्यालयले हरेक महिना जिल्ला भित्र कार्यरत प्रहरी कर्मचारी मध्ये उत्कृष्ट कार्य गर्ने एक जनालाई सम्मान गर्ने क्रममा गएको महिना उत्कृष्ठ कार्य गर्नुहुने हवल्दार अधिकारीलाई पुरस्कृत गरेको हाे । अधिकारी स्थायी प्रहरी पोष्ट चनौटे गोरखामा कार्यरत छन् ।

पुरस्कृत भएका हवल्दार अधिकारीले कार्यालयले दिएको जिम्मेवारीलाई उच्च अनुशासनमा रही उत्कृष्ट ढंगबाट कार्य सम्पादन गर्नुका साथै आफ्नो क्षेत्र भित्र घटेका घटनाहरुमा फरार भएका प्रतिबादीहरुलई पक्राउ गरि कानुनी दायरामा ल्याउन सफल भएकाे प्रहरीले जनाएकाे छ ।

गएको कात्तिक २५ गते अजिरकोट गाउँपालिका–५, स्थित चनौटे लागू औषध ओसार पोसारमा संलग्न एक व्यक्तिलाई पक्राउ गर्न सफल भएको साथै आफ्नो क्षेत्र भित्र त्रुटी रहित तवरले बिभागीय नीति निर्देशन अनुरुप कार्य सम्पादन गर्नुभएकाले उहाँलाई कार्यालयले कात्तिक महिनाको उत्कृष्ट प्रहरी कर्मचारी छनोट गरेको जनाएको छ ।