काठमाडौं- पछिल्लो २४ घन्टामा काठमाडौं उपत्यकामा ४५४ जना कोरोना संक्रिमत थपिएका छन्।

योसँगै उपत्यकामा कोरोना भाइरसबाट संक्रमित हुनेको संख्या ७ हजार ४ सय ९३ पुगेको स्वास्थ्य तथा जनसंख्या मन्त्रालयका प्रवक्ता डा जागेश्वर गौतमले बताएका छन्।

पछिल्लो २४ घण्टामा काठमाडौंमा ३८६, ललितपुरमा ३६ र भक्तपुरमा ३२ संक्रमित थपिएका हुन्। हालसम्म काठमाडौंमा ५ हजार ६ सय २२ ललितपुरका ८१८ २ र भक्तपुरमा ५९८ संक्रमित पुगेका छन्।

हाल देशभर १८ हजार ४०४ जना सक्रिय संक्रमित छन्। हाल ७ हजार ४ सय ६२ जना होम आइसोलेसनमा छन् भने १० हजार ९४२ जना संस्थागत आइसोलेसनमा छन्। १३ हजार ६३८ जना पिसिआर परीक्षण भएको छ भने हाल ६ हजार ५६१ जना क्वारेन्टाइनमा छन्।

पछिल्लो २४ घण्टामा १३५४ जना निको भएका छन्। यो सँगै २५ हजार ५६१ जना निको भएर घर फर्किएका छन्। यो कुल संक्रमितको ५८ प्रतिशत हो।