काठमाडाैं- नेपालमा ‘पब्जी’ खेल बिहीबार देखी प्रतिबन्ध लगाईएको छ । प्रहरीको केन्द्रीय अनुसन्धान ब्यूरोको विशेष आग्रहमा नेपाल दूरसञ्चार प्रधाकिरणले पब्जी खेल प्रतिबन्ध गर्न लगाएको हो ।

प्रहरीको आग्रहमा प्राधिकरणले बिहीबारबाट इन्टरनेट सेवा प्रदायकहरुलाई पब्जी खेल डाउनलोड र खेल्ने कार्य लागि रोक्न‍ निर्देशन दिएको छ ।

पब्जी अनलाइनमा गेम हो । धेरै युवालाई यसको लत लागेको भन्दै आलोचना हुने गरेको छ । यो खेलले नेपालमा रहेका युवाहरुले गलत कार्यमा लागेको भन्दै बन्द गरीएको हो । यसअघि भारतका विभिन्न स्थानमा यो गेम प्रतिबन्ध लगाई सकिएको छ ।

केही दिनअघि मात्रै एक अभिभावको समूह महानगरीय प्रहरी अपराध महाशाखामा आएर उक्त खेल प्रतिबन्ध लगाइदिन आग्रह गरेको महाशाखाका एसएसपी धिरजप्रताप सिंहले जानकारी दिए ।