गोरखा- मिस गोरखा सिजन-२’ प्रतियोगिताको ताज कस्ले जित्ला भन्ने अहिले चर्चाको बिषय बनेको छ । सौन्दर्य कला ब्याबसायी संघ गोरखा शाखाद्वारा आयोजित उक्त प्रतियोगितामा गोरखा घर भइ देशैभरी छरिएर रहेका कयौ गोरखाली युवतीहरुको उपस्थिति रहेको थियो ।

जहाँ युवतीहरु बिच पहिलो र दोश्रो चरणको छनौट भएको छन् । सोहि अडिशन पार गर्दै छनौट भएर आएका १४ यूवतीहरुबाट मिस गोरखा, सिजन-२, घोषणा गरिने छ । पहिलो र दोस्रो अडिसनबाट छनोट भएका यूवतीहरु मध्येबाट फाइनल राउण्डमा १४ जना पुगेका छन् ।

आगामी माघ महिनमा सदरमुकाम गोरखामा अन्तिम प्रतिश्प्रर्धा हुने र बिजेता तथा सहभागी सम्पूर्णलाई आकर्षक पुरस्कार र बिभिन्न अबसरहरु प्रदान गराउने आयोजक संस्थाले जनाएकाे छ ।

उनीहरु मध्ये एक जनालाई मिस गोरखा घोषणा गरिने छ । अहिले उनीहरुलाई विभिन्न विधामा प्रशिक्षण गराइरहेको सौंन्दर्य कला ब्यवसायी संघ गोरखाकि प्रतिनिधि रोस्ता श्रेष्ठले जानकारी दिइन् । प्रशिक्षणमा उनीहरुको फोटो सुट, भिडियो प्रोफाइल, संस्कार संस्कृती तथा शैक्षिक अबलोकन भ्रमण, सेल्फ ट्यालेन्ट राउण्ड गराएर सिकाउने काम भइरहेको संघकी अध्यक्ष शुकु श्रेष्ठले जानकारी दिइन् ।

मिस गोरखामा अन्तिम प्रतिस्पर्धामा रहेका सबै प्रतिस्पर्धि साथिहरु प्रफेक्ट छन त्यसैले कोसले बाजि मार्ला भनेर अड्कल बाजि गर्न सक्ने अबस्था छैन । कसले मिस गोरखाको ताज आफ्नो पक्षमा हत्याउला भनेर अहिले सर्वत्र चर्चा बनेकाे छ ।

मिस गोरखा हुने यूवतीले नगद ५० हजार रुपैँया र साथमा अन्य उपहार पाउने छन् । त्यस्तै फस्ट रनरअपले क्राउन सहित ३० हजार रुपैँयाको साथमा अन्य पुरस्कार, सेकेण्ड रनरअपले क्राउन सहित २० हजार रुपैँया र अन्य पुरस्कार र थर्ड रनरअपले क्राउन सहित १० हजार रुपैँया र अन्य पुरस्कारहरु पाउनेछन् ।

हेर्नाेस १४ प्रतिस्पधीकाे तस्बिर

तस्वीर सौजन्य- सौरभ थापा/मिस गाेरखा